LIVE weekly Sunday Mass liturgy  in Tigrigna/Gheez
ሰሙናዊ ቅዳሴ ናይ ሰምበት ሥርዓት ግዕዝ/ትግርኛ 12:00 PM ድ.ቀ.

Fr. Kiflemariam/ብኣባ ክፍለማርያም

ተሳተፍቲ ቅዳሴ ሰምበት ሰነ 20 2021 ዝኾኑ ምእመናን ተቐማጦ ስካርብሮን ዳውን ታውንን ጥራሕ  እዮም። Mass participants for Sunday, June 20th 2021 are only chaplaincy members, who reside in the areas of Scarborough and Downtown.

ንቅዱስ ቁርባን ብሃረርታ ንምቓባል ዝግበር ጸሎት

ኦ ኢየሱስ፡ ኣብዚ ዝለዓለ ምሥጢረ ቕዱስ ቁርባን ከምዘሎኻ አእምን፡ ልዕሊ ዝኾነ ነገር ንዓኻ አምልኽን አፍቅርን፡ ኣብ ነፍሰይ ክቕበለካ ብርቱዕ ድሌትን ሀረርታን አሎኒ፡ ግን አብዚ አዝዩ ፅንኩር እዋናት ጎይታየ ንዓኻ ኣብ ምሥጢረ ቅዱስ ቁርባንካ ንዘሎ ክቡር ሥጋካን ደምካን ክቕበል እኮ እንተዘየከአልኩ፡ ነዓ ብመንፈሳዊ መንገዲ አብ ውሽጢ ልበይን አብ ነፍሰይን እቶ፡ ኦጎይታ አብ መንበረታቦት ከምዘሎካ አሚነ አብ ልበይ የንብረካን ምሳኻ ብምልአት አሓብርን ሓደ እኸውንን አለኹ: ኦ ጎይታየ ጨርሽካ ካበይ አይትፈለ፡ ርድኣኒ ሓግዘኒ ኣጽንዓኒ፡ ሕጂን ወትሩን ንዘለዓለም ዓለምን። ኣሜን።

An Act of Spiritual Communion

My Jesus, I believe that You are present in the Most Holy Sacrament. I love You above all things, and I desire to receive You into my soul. Since I cannot at this moment receive You sacramentally, come at least spiritually into my heart. I embrace You as if You were already there and unite myself wholly to You. Never permit me to be separated from You. Amen.

መስዋእቲ ቅዳሴታት እነዕርገሉን ካልእ መደባትን ብቀጥታ ብመስመር ኢንተርነት ዝመሓላለፍ ምዃኑ ነዘኻኽር። ስጋብ ተወሳኺ ሓበሬታ ዝወጽእ ፡ ሥርዓት ኣምልኾና በዚ መገዲ'ዚ ውን ይቕጽልብኣካል (ተርታ ናይ ትቕመጥሉ ቦታ እንተ ኾይኑ) ወይ ኣብዚ ገጽ እዚ ወይ ኣብ Facebook ወይ ድማ ኣብ Youtube ንተሳትፎኹም (subscription) ብትሕትና ንሓትት። መዓልትታትን ሰዓታትን ክንገረና እዩ። ኣብ ነዚ ገጽ'ዚ ብቐጻሊ ተኸታተሉ።

Holy Masses and other programs in Tigrigna - Gheez are celebrated LIVE via online. We will continue our worship in this way until further notice. We kindly ask you to join us  in  person (if you live in specified area for the day) or on this page, YouTube or Facebook. Dates and time are to be arranged. Please subscribe to our Youtube channel and check this site regularly.

መጀመርያ ቅዱስ ቁርባን ኣብ 2021

ኣብዚ ዓመትዚ 2021 መጀመርያ ቅዱስ ቁርባን ዝገብሩ ካብ 7 ዓመት ንላዕሊ ዝዕድምኦም ሕጻናት ዘለውኹም ወለዲ/ሞግዚት፥ ኣብ መስመር ሓበሬታና ዝርከብ ፎርም ብምጥቃም ኣብ ዝቐልጠፈ ግዜ ክተመግብዎም ብትሕትና ነዘኻኽር። ትምህርተ ክርስቶስ ብከመይን መዓስን ከም ዝወሃብ ድሕሪ ሓጺግዜ ዝርዝር ሓበሬታ ክንገረና እዩ። ንመመዝገቢ ፎርም ኣብዚ ጽሑፍዚ ጽቐጡ

First Holy Communion in 2021

Parents/Guardians of children aged 7+ who will be receiving their First Holy Communion in 2021, please be reminded to register them using our online form. Click here for the registration form.

ሓበሬታ መደባት ቅዳሴ

1. ኣብ ቅዳሴን ካልእ መደባትን ቤተ ክርስትያንና ዝሳተፉ ብዝሒ 50 ሰባት (15% ዓቀን ቤተክርስትያንና  ክሕዞ ዝኽእል ብዝሒ ሰብ) ጥራሕ እዩ ዝፍቀድ። 
2. ቤተ ክርስትያን ነቶም ብሰንኪ ምዕጻውን፡ ጥዕናን ምስኣንን፣ ዕድመን፣ መጺእና ክንሳተፍ ዘይካኣልና ፍቓድ(ፍታሕ) ሂባትና ኣላ። ንኹሉ መደባት ብመስመር ሓበረታ ክንከታተል ንኽእል።
ብዛዕባ ምኽፋት ቤተ ክርስትያን ዝምልከት፡ ንዝወሃበና ሓበረታት ንከታተል፡ ንቤተክርስትያን ክንመጽእ እንተ መዲብና: ኩላትና ኣባላት ስድራ ናይ ጥዕና ጸገም ከም ዘይብልና ወይ ዝኾነ ምልክት ናይ ሕማም ብፍላይ ከኣ ናይ ሰዓል፣ ረስኒ፣ ሸውሃት ምዕጻው፣ ሕጽረት ትናፋስ፣ ሓማም ርእሲ፣ ናይ ኣፍንጫ ጸረርታ፣ ናይ ጎረሮ ምሕርሓር እንተ ተሰሚዑና፣ ናብ ቤተክርስትያን ኣይንምጻእ። ንሓኪምና ደዊልና ነዘራርቦ።
ኣብ ቤተ ክርስትያን ምስ በጻሕና ዘድሊ ጥንቃቐ
1. ካብ ካልእ ሰብ ኣብ መንገዲ ኮነ ኣብ ናይ መኪና ፓርኪን ቅሩብ ርሕቕ ንበል።
2. ብግዲ ኣፍንጫናን ኣፍናን ብማስክ ወይ ጨርቂ ጌርና ካብ መኪናና ውርድ ምስ በልና ወይ ናብ ቤተክርስትያን ምስ ቀረብና ንሽፍኖ።
3. ብኣብ ጎደና ሰይንት ክሌር ዘሎ ማዕጾ ጥርሕ ኢና ናብ ቤተክርስትያን ክንኣቱ እንኽእል።
4. ቤተክርስትያን እትው ክንብል ከለና ናይ ኢድ መንጽሂ ወይ ሰኒታይዘር ኣሎ ብዝተኻእለና መጠን ንጠቐመሉ።
5. ዝተወሰነ ኮፍ መበሊ ጥራሕ ክንጥቀም ስለ ዘለና፣ ብኣገልገልቲ ቤተክርስትያን ዝወሃበና ሓበሬታ ክንሰምዕን ንሶም ኣብ ዝሓበሩና ቦታ ጥራሕ ኮፍ ክንብል ከም ዘለና ብትሕትና ንሓትት። ኣብ ሓንቲ ጣውላ ብሓንሳብ ኮፍ እንብል ኣብ ሓደ ገዛ ብሓንሳብ ምስዝነብሩ ጥራሕ ኢና። ብውሕዱ ካብ ምሳና ዘይነብር ሰብ ከምቲ መምርሒ ዝእዝዘና  6 ጫማ ወይ ኣስታት 2 ሜትሮ ክንርሕቕ ይግብኣና።
6. መባኣና ኣብ ድሕሪት ቦታ ተመዲቡሉ ስለ ዘሎ ኣብኡ ርሕቐትና ሓሊና ከነውዽቕ ንኽእል።
7. ኣብዚ ግዜ እዚ ብሰንኪ ሕማም ኮርና ዝኾነ መጽሔት ይኹን ካልእ ዝኾነ ዝንበብ ክዕደል ከም ዘይከኣል ንሕብር።ዝኾነ ሓበሬታ ወይ ዝንበብ ኣብ ዌብ ሳይት ክንልጥፈልኩም ኢና።
8. ሰላም ምብህሃል ወይ ምስዕዓም እንተ ዘይ ኣዘውተርና ይምረጽ፣ ሰብ ሰላም ክንብል ድንን ኢልና ወይ ኢድና ኣብ ኣፍ ልባና ጌርና ሰላም ክንብል ንኽእል ኢና።
9. ክቡር ቆምስና ኣባ ክፍለማርያም ብዛዓባ ከመይ ኢልና ክንቆርብ ከም ዘለናን ክሕብሩና ኢዮም።
10. ንሕጻናት ዝተዳለወ መደብ የብልናን።
11. ቅድሚ ናብ ቤተ ክርስትያን ምምጻእኩም ዓይኒ ምድሪ ተጠቒምኩም ምጽኡ። ናይ ቤተ ክርትስያን ዓይኒ ምድሪ ንህጹጽ ነገራት ጥራሕ ኢዩ ክንጥቀመሉ እንኽእል።

For more information regarding COVID-19, please [click here] to check the website of the archdiocese of Toronto

For notifications of LIVE streaming Masses in Gheez/Tigrigna or other programs, subscribe and follow us on our YouTube channel and our Facebook page (click on the link icons below this text at the right or left images) and Share them with your families and friends.

ቤት ትምህርቲ ትግርኛ ኣብ ዓመተ ትምህርቲ (2020/2021) ብናይ ርሑቕ ትምህርቲ ይካየድ ኣሎ። ምዝገባ ናይ ዝመጽእ ዓመት ትምህርቲ 2021/2022 ኩሎም ሓደስትን ነባራትን ተማሃሮ ኣብ መስመር ሓበረታ (Online registration - Toronto Catholic District School Board (TCDSB)) ክትምዝገቡ ነዘኻኽር። ቅቡል መስርሕ ምዝገባ በዚተዋሂቡ ዘሎ መስመር ሓበረታ ጥራሕ እዩ። 
International Languages - Tigrigna program is running virtual classes in the School year of 2020/2021. We welcome new and returning students for 2021/2022 school year. Registration is now open for all new and returning students. The only acceptable way of registration is through online method.
For online registration please go to  the TCDSB website.  [click here >> www.tcdsb.org/ILRegistration].  For additional information, visit www.tigrigna.ca.

Our Facebook Pages – ቁምስና ኪዳነምሕረት ካቶሊካዊት ቤተክርስቲያን ሥርዓት ግዕዝ ፡ ቶሮንቶ/ ቤት ትምህርቲ ትግርኛ

Sign Up

Join our mailing list in order to receive information regarding our chaplaincy and other issues relevant to our community [Join Us].
ኣድላዪን በብግዚኡ ዝዝጋሕ ኣገዳሲ ንቤተክርስትያንናን ንሕብረተሰብናን ዝምልከት ዝዝርጋሕ ሓበሬታት ንምቅባል፥ ኣብዚ [ተጸምበሩና]፡፡